Давлат раҳбари Нурсултан Назарбаевнинг Қозоғистон халқига Мактубида берилган топшириқларни амалга ошириш доирасида дастлабки бадални камайтириш учун жами 50 минг дона “7-20-25” уй сертификатлари чиқарилди. 

Ипотека дастурида иштирок этилса, “7-20-25” сертификатлари бюджет соҳаси ходимлари учун дастлабки бадални енгил­латади. Сертификатларни ша­ҳар ва вилоят ҳокимлари фуқа­­роларнинг талабларига қараб тарқатади.

Элбоши маҳаллий бюджетдан имтиёзли ипотеканинг дастлабки бадалини субсидиялаш бўйича атрофлича иш олиб боришни топширди. Давлат раҳбари маълум қилганидек, мазкур сер­ти­­фикатларни бериш ўқитув­чилар, шифокорлар, полиция ходимлари ҳамда маҳаллий мин­­­­­­­­­­­­­­­­тақаларга керакли бошқа му­та­­­­­­­­хассислар учун ипотеканинг ҳам­­­­­­­мабоплигини оширади. 

– Биз “Нур Отан” партияси билан ҳамкорликда дастлабки ба­да­лни камайтириш ишларини бош­лаб юбордик. Шу ҳафтадан минтақаларга сертификатлар тар­қатишни бошлаймиз, – де­ди “Баспана” Ипотека таш­ки­лотининг раҳбари Қайрат Алтин­беков.

Битта уй сертификатининг ўртача номинали 1 млн. тенгени ташкил қилади. Шу боис, ма­ҳаллий ижро органлари томо­нидан ушбу дастурнинг амалга оширилишини рағбатлантириш учун 50 млрд. тенге ажратилади.