Шимкент шаҳри ҳокими Е. Айтаханов маҳаллий тад­биркорларнинг муам­мо­ларини тинглаш мақса­­дида ҳайъат мажлисини ўтказди.

Унда кичик ва ўрта бизнес вакиллари, йирик тадбиркорлар ва тадбиркорларни қўллаб-қувватлайдиган ташкилотлар раҳбарлари иштирок этдилар. Учрашувда қатнашганлар “Биз­неснинг йўл харитаси – 2020” дастурининг бажа­рили­ши, янги лойиҳалар ва улар­ни амалга оширишдаги муам­молар ҳақида фикрларини ўр­тоқлашдилар. Бундан ташқа­ри, муаммоларни ҳал этиш йўллари муҳокама қилиниб, шаҳар ҳокимига так­лифлар билдирилди.

Е. Айтаханов шаҳар иқтисо­диёти учун тадбиркорлик соҳа­сининг муҳимлигини таъкидлаб, шунингдек, Шимкентда кичик ва ўрта бизнесни ривожлантириш салоҳияти жуда улкан эканли­гига тўхталди.

Ҳоким ишбилармон фуқа­роларни оддий буюмлар иқ­ти­содиёти ва шаҳар аҳоли­сини озиқ-овқат билан таъмин­­лаш мақсадида қишлоқ хўжа­лиги со­ҳасидаги лойиҳа­ларни амалга оширишга чорлади. 

Мажлис якунида тадбир­­кор­лар­нинг шаҳар тараққи­ё­тидаги  муҳим ҳиссасини таъкид­лаб, бун­дай учрашувларни тез-тез ўт­­­­казиб туришга ваъда берди.