Праймериз баҳсининг учинчи куни “Ақжайиқ” мусиқий мактабида давом этди.

Бугунги кунгача ўтган баҳсларда 20 нафар номзоднинг дастурлари таништирилиб, томошабинлар ва рақобатдош номзодлар томонидан қўйилган саволларга жавоб берилган эди.

Умуман, номзодлар корхоналарда янги иш ўринларини очиш билан ишсизликни бартараф этиш, фан ва таълимга эътиборни кучайтириш, шаҳар тозалигини йўлга қўйиш, фуқаролар орасида соғлом турмуш тарзини маданий ҳаётга татбиқ этиш, интернет қувватини ошириш, янги стартап лойиҳаларга маблағ манбаини топиш, ўқувчилар, ўқитувчилар ҳамда кўп болали оилаларга ижтимоий имтиёзлар кўрсатиш, туризм, қурилиш соҳасига эътибор қаратиб, ҳаммабоп бошпана билан таъминлашга доир келажак режалари билан ўртоқлашдилар.

Модератор ўз навбатида ҳар бир номзод дастури доирасида саволлар қўйди. Шулардан бири, барча жамиятга ўртоқ “Тоза шаҳар мақомини олиш учун нима қилиш керак?”, деган саволга ахлатларни тўплаб, қайта ишлашга доир тавсиялар айтилди. Шунингдек, спорт соҳаси бўйича Туркистон шаҳри ёшларининг футболга фаоллигини ошириш муҳимлигига ҳам тўхталишди.

Баҳсда иштирок этган номзодлар шаҳар маслаҳати депутатлигига даъвогарлар.