Туркистон шаҳридаги Ёшлар имкониятлар маркази биносида “Гадой қизи” китобининг  тақдимоти ўтиб, унда  муаллиф Абилай Есимбай, Nur Otan партияси вилоят филиали раисининг биринчи ўринбосари Бейсен Тажибаев, вилоят ижтимоий тараққиёт бошқармаси раҳбари Дамир Жунусов, вилоят маданият бошқармаси раҳбари Азимхан Қўйлибаев ва бир гуруҳ зиёлилар қатнашишди.

Ўтган йили “Энг яхши ёзувчи” номинацияси соҳиби бўлган Абилай Есимбай  минтақадаги ёш истеъдодли қаламкаш сифатида танилган. Кўпчилик уни оммавий ахборот соҳаси вакили сифатида ҳам танийди.

Тадбирни очган Қозоғистон Журналистлар уюшмаси вилоят филиали раиси Ғалимжан Елшибайнинг айтишича, ёш ижодкорларни қўллаб-қувватлашнинг муҳим йўли, ижодий танлов ўтказиш экан. Шунинг учун бу йил вилоят ижтимоий тараққиёт бошқармаси, журналистлар ва ёзувчилар иттифоқлари билан ҳамкорликда Мустақилликнинг 30 йиллигига бағишланган “Туркистон қалдирғочлари” ижодий танлови эълон қилган. 

15 мартгача давом этадиган танлов ҳақида батафсил маълумотларни Ижтимоий тараққиёт бошқармасининг расмий сайтидан олишингиз  мумкин. 

Turkistan.gov.kz 8(7252) 24-71-55 Press_uko@mail.ru