Туркистон вилоятида янги ўқув йилида ўқиш жараёни анъанавий шаклда ўтказилиши режалаштирилган. 2021-2022 ўқув йилида вилоят бўйича 927та кундузги ўрта таълим муассасаларида 516740 минг нафар ўқувчи таълим олиши кутилмоқда. Барча мактабларда санитария меъёрларига қатъий риоя қилиш эътиборга олиниб, дезинфекция ускуналари билан таъминланади.
Бугунги кунда, таълим берадиган 83897 педагогнинг 71809 нафари (85,6 фоиз), техник ходимларнинг 27560 нафари (96,6 фоизи) вакцина олган. Ўқиш бошлангунга қадар кўрсаткич 100 фоизга бажарилади.
Жорий йилда ота-оналарнинг аризаларига биноан 47266 кичкинтой 1-синфга қабул қилинди. Янги ўқув йилига умумий сони 2 млн. 250 минг дона дарслик сотиб олишга 4,8 млрд. тенге маблағ ажратилди.
Бундан ташқари, август ойи бошида дарсликларни ташишдан тежалган маблағга, ўқувчилар сони кўпайиши муносабати билан барча синфларга етишмайдиган ва эски дарсликларни янгилаш учун 826,1 минг дона дарслик харид қилинмоқда. Бугунги кунда, 17та нашриёт билан дарсликларни сотиб олиш ва етказиб бериш бўйича шартнома имзоланиб, тегишли ишлар бажарилмоқда. Дарсликлар 25 августгача тўкис етказиб берилиши зарур.