ҚР Соғликни сақлаш вазири кузги эпидемиологик вазият ҳақида янги тахминни маълум қилди

ҚР Соғликни сақлаш вазири Aлексей Цой ҳукумат йиғилишида кузги эпидемиологик вазиятнинг учта сценарий бўйича тахминларни илгари сурди.
 – Вазирлик ноябрь ойи учун эпидемиологик тахминни янгилади. Биринчи сценарийга кўра, сентябрь ойида 6300та, октябрда эса 2400та коронавирус юқтириш ҳолатлари кутилмоқда. Иккинчи сценарийга кўра, сентябрь ойида 4200та, октябрда эса 1300та ҳолат кутилмоқда, – деди вазир.
Бош вазир Aсқар Мамин, шунингдек, идоралараро комиссияга коронавирус инфекцияси тарқалишининг олдини олиш юзасидан топшириқ бериб, минтақаларда Ashyq тизимида иштирок этувчи корхоналар учун дам олиш кунларида чекловларни юмшатиш масаласини кўриб чиқишни топширди.
– Тахминан 6,5 миллион киши вакцинанинг биринчи компоненти, 5 миллиондан ортиқ одам иккинчи компоненти билан эмланди. Эмлаш кампаниясини янада кучайтириш зарур. Идоралараро комиссияга эпидемиологик вазият барқарорлашаётган минтақаларда Ashyq тизимида иштирок этувчи тадбиркорлик субъектлари учун чеклов тартибини юмшатиш масаласини кўриб чиқишни топшираман, – деди Бош вазир ва бу ишни назорат қилишни Бош вазир ўринбосари Ерали Тўғжановга топширди.