Вилоят ҳокими Ўмирзақ Шўкеевнинг раислигида ўтган ҳафталик девон мажлисида келгуси иситиш мавсумига тайёргарлик ишларининг бориши муҳокама қилинди. Бу муҳим масала – ҳозир алоҳида назорат остида. Иситиш мавсумига тайёргарлик бориши билан танишган вилоят ҳокими масъул раҳбарларга иш суръатини оширишни топширди.
Туркистон вилоятида етти туман ва шаҳарда 11та марказлаштирилган иситиш қозонхоналари мавжуд. Минтақада 600га яқин кўп қаватли уй-жой бинолари ва 2,2 мингга яқин бюджет муассасаси марказий иситиш тизимига уланган.
 Бугунги кунда уларнинг 85 фоизи мавсумга тайёр. Қаттиқ ёнилғи билан таъминлаш ишлари ҳам амалга ошмоқда. Барча ишлар 1 сентябрга қадар тўлиқ якунланади.
Шунингдек, Туркистон шаҳридаги янгидан барпо этилган уйлар учун 9та қозонхона ўрнатилмоқда ва 1-, 2-кичик туманларда иситиш таъминоти тармоқларини янгилаш ишлари юритилмоқда.
Девон мажлисида вилоят минтақасидаги коронавирус инфекцияси ва санитария-эпидемиологик аҳвол ҳамда тезкор гуруҳларнинг  иш натижалари тўғрисида сўнгги маълумотлар ўртага ташланди. Туркистон вилояти беморлар сони бўйича  “яшил ҳудуд”да. Коронавирусдан соғайганларнинг сони ортса ҳам,  “жиловни бўшатиш”га ҳали эрта. Шу боис Ўмирзақ Естайули коронавирусдан сақланиш учун карантин талабларига қатъий риоя қилиш зарурлиги ҳақида огоҳлантирди.