Вилоят ҳокими Ўмирзақ Шўкеев Туркистон шаҳрини кўкаламзорлаштиришнинг янги концепциясини ишлаб чиқишни топширди.
Бу ишга хорижлик олимлар ҳам жалб этилади. Вилоят марказини кўкаламзорлаштиришда янги технологиялар ва минерал ўғитлар қўлланилади. Муқаддас маконнинг қиёфасини янада гўзаллаштириб, залворли меҳнат натижасида кўркамлашган жойни парвариш қилиш учун ижодий ғоялар зарур. Шундай деган вилоят раҳбари ўз вазифаларини тегишли даражада бажармаган компаниялар билан шартномани бекор қилишни топширди. Шаҳардаги кўкаламзорлаштириш ишлари билан танишган минтақа раҳбари Туркистонни яшил ҳудудга айлантириш мақсадида ишлаб чиқилган чора-тадбирларни пухталади.
– Шаҳарнинг чиройини очадиган ҳам, қиёфасига мазмун бағишлайдиган ҳам – унинг озодалиги ва дов-дарахт, гулзорларидир. Туркистоннинг экологик аҳволини барқарорлаштириш – барчамизнинг вазифамиз, – деди Ў. Шўкеев.
Маълумки, шаҳарни кўкаламзорлаштириш, ободонлаштириш, санитария аҳволни яхшилаш мақсадида тизимли ишлар амалга оширилмоқда. Қадимий шаҳарни шамол эрозиясидан сақлаб, экологик аҳволини барқарорлаштириш ва қулай иқлим шакллантириш учун Туркистон атрофига “Яшил белбоғ” ташкил қилинган. 7700 гектар ҳудудга қарийб 12 миллион туп кўчат ўтқазилди.
Вилоят ҳокимининг ташаббуси билан шаҳар 32 шўъбага бўлиниб, ободонлаштириш ишлари олиб борилмоқда. Шаҳар кўчаларига қарағай, терак, эман сингари манзарали ва ўрик, олма, сингари мевали дарахт кўчатлари ўтқазилди.