2022 йил Қозоғистонда МДҲ халқ ижодиёти ва маданий мероси йили деб эълон қилинди

Бу ҳақда Қозоғистон Президенти Қасим-Жўмарт Тўқаев МДҲ давлатлари раҳбарлари кенгашининг навбатдаги йиғилишида маълум қилди.
– Маънавият қадим замонлардан инсон дунёқарашини, хатти-ҳаракатини, жамиятда тутган ўрнини, халққа, ватанга, атрофидаги одамларга бўлган муносабатини бошқарувчи омил ҳисобланади. Маданий ва гуманитар ўлчовлар анъанавий равишда тарихий алоқаларни сақлаб қолиш ва халқларимизни янада яқинлаштиришда муҳим аҳамият касб этади. Шу муносабат билан биз келгуси йилни МДҲ халқ ижодиёти ва маданий мероси йили деб эълон қилдик. Режа тарихий мувозанатни сақлаш ва маданият, туризм ҳамда  спорт соҳасидаги ҳамкорликни мустаҳкамлашга қаратилган 100га яқин тадбирларни ўз ичига олади, – деди Қасим-Жўмарт Тўқаев.
Президентга кўра, илгари қабул қилинган дастурий ҳужжатлар бу соҳадаги ҳамкорликни чуқурлаштиришга ёрдам бериши мумкин. Буларга ёшлар ҳамкорлиги стратегияси, туризм, жисмоний тарбия ва спорт киради.
– Фурсатдан фойдаланиб, Молдова халқини Комрат шаҳри 2022 йилда МДҲнинг маданий пойтахти этиб сайлангани билан табриклайман, – деди Президент.