Туркистон вилояти ҳокимининг ўринбосари Рашид Аюпов Туркия делегациясининг вилоятимизга илмий ташрифи чоғида “Dogus Group” турк компанияси делегацияси билан учрашди.
Учрашувда агросаноат мажмуаси, чиқиндиларни қайта ишлаш, юқори технологиялар, шунингдек, минтақадаги сайёҳликни ривожлантириш соҳасидаги икки томонлама ҳамкорлик масалалари муҳокама қилинди. Томонлар Нигде Ўмер Халисдемир университетининг қишлоқ хўжалиги факультети ҳамда қозоғистонлик университетлар ўртасидаги илмий даражадаги салоҳиятли ҳамкорликнинг ўзаро манфаатлари юзасидан музокара юритдилар.
– Вилоятда индустриявий ҳамда махсус иқтисодий минтақалар мавжуд. Бундан ташқари, ҚР Тўнғич Президенти Н. А. Назарбаевнинг топшириғи бўйича туркий тилли давлатлар ўртасида янги сармоявий лойиҳаларни амалга ошириш учун NurkSEZ (туркий эркин-иқтисодий минтақа) қуриш режалаштирилмоқда. Сайёҳлик лойиҳалар икки томон ўртасида туризмни жадал ривожлантиришга жўшқинлик беради, – деди Рашид Аюпов.
Учрашув сўнггида вилоят ҳокими ўринбосари Туркистон вилоятининг сармоявий имкониятлари билан таништириб, Туркия тадбиркорларини ҳамкорликка чорлади.