Туркистон вилоятида коронавирусга чалинганлар сони 15 минг кишидан ошди. Сўнгги бир ҳафта мобайнида 190 кишининг хасталикка чалинганлиги аниқланди. Айни дамда минтақада 400га яқин киши мазкур инфекциядан даволанмоқда. Вилоят ҳокимлигида ўтган девон йиғилишида Туркистон вилоятидаги санитария-эпидемиологик аҳвол муҳокама қилинди.
Минтақадаги жами 1 миллиондан зиёд киши ПЗР тестдан ўтган. Бугунги кунга қадар инфекциявий ўринларнинг 37,2 фоизи банд, карантин ўринларининг 2,6 фоизида беморлар даволанмоқда. Жонлантириш ўринлари 33 фоизга қисқарди. Туркистон вилояти КВИга чалинганлик кўрсаткичи бўйича ҚРда яшил ҳудудда.
Кундаликда рўйхатга олинаётган беморларга кўра Туркистон вилояти республикада энг қуйи ўринда. Вилоят ҳокими Ў. Шўкеев шунга қарамай сақланиш чораларига риоя этиб, ҳушёрликни қўлдан бой бермасликка чақирди. Айниқса таълим муассасаларида карантин талабларига риоя қилиш жоизлигини таъкидлади.
– Ҳушёр бўлайлик. Ўзингизга яхши маълум, Россияда бу хасталик кун сайин ўсиб боряпти. Чегаравий ҳудудлар орқали бизга ҳам етиб келиш эҳтимоли бор. Шу боис ҳолат такрормаслиги учун тайёргарлик кўриш жоиз. Вирусга қарши кураш чораларига қатъий риоя этиш керак, – деди вилоят ҳокими.