Қозоғистонда Covid-19га қарши қайта эмлаш бошланди. Биринчи навбатда тиббиёт ходимлари, муаллимлар, тиббий-ижтимоий муассасаларнинг ходимлари ва таркиби, болаларга мўлжалланган ёпиқ муассасалар, ҳуқуқни муҳофазалаш органларининг ходимлари эмланади. Қайта эмлаш икки босқичда амалга оширилади. Муҳим палланинг олиб борилиши Туркистон вилоятининг ҳокими Ўмирзақ Шўкеевнинг раислигида ўтган девон мажлисида муҳокама қилинди. 

Pfizer вакцинасини қабул қилганлар сони 7 мингдан ошди. Шифокорлар ўсмирларни тиббий кўрикдан ўтказиб, акс таъсир ҳолатлари қайд этилмаган ҳоллардагина вакцина билан эмланади. Айни дамда вилоят бўйича 5 мингдан зиёд ўсмир, 1 мингдан зиёд ҳомиладор ва 500га яқин эмизикли аёл Pfizer вакцинаси билан эмланган. Эмлаш ихтиёрий равишда амалга оширилади. Ўсмирларни вакциналаш фақат ота-онасининг ёки қонуний вакилининг розилиги билан амалга оширилади. Таъкидлаш жоизки, вилоятимизга мазкур вакцинанинг 17550та иккинчи партияси ҳам етказилган.

Вилоят миқёсида сўнгги 2 ҳафтада коронавирус инфекциясига чалиниш ҳолатларининг пасайиши давом этмоқда. Касалликка чалиниш даражаси 34 фоизга камайган. Мобил гуруҳлар томонидан 2,5 мингдан зиёд иншоот ораланиб, 33 далолатнома тўлдирилган. Вилоят ҳокими Ўмирзақ Шўкеев хасталикка чалиниш ҳолатлари пасайганига қарамай хавфсизлик чора-тадбирларига қатъий риоя қилиш ва интизомни сусайтирмасликни топширди.