Жорий йилнинг биринчи ўн кунлигида 222 нафар киши COVID-19 инфекциясини юқтирган. Ўтган кун мобайнида 37та вазият қайд этилиб, жумладан, 4таси 14 ёшгача бўлган болалар ўртасида эканлиги аниқланган. Бу ҳақда вилоят бош давлат санитария шифокори Нурбек Нишанов маълум қилди.
– Вилоятимизда январь ойи бошидан буён вазият кескинлашганини кўрсатмоқда. Вилоятимиз “яшил” зонада бўлишига қарамай, бир кунда 20-30дан ортиқ коронавирус инфекциясини юқтирганлар қайд этилмоқда, – Н. Нишанов. Шунингдек, эпидемиологик вазиятнинг кескинлашувини ниқоб тартибига риоя қилмаслик ва одамларнинг кўп тўпланиши билан боғлаб, аҳолини чеклов талабларига риоя қилишга чақирди.
Вилоятда 1 044 764 нафар фуқаро ихтиёрий равишда коронавирусга қарши эмланган. “Вилоятимизда 12-17 ёшли ўсмирлар, 16-36 ҳафталик ҳомиладор ва эмизикли аёллар коронавирусга қарши “Коминарти” вакцинасини олишди. Ўсмирларни эмлаш фақат ота-онаси ёки қонуний вакилининг розилиги билан амалга оширилади. Бундан ташқари, қайта эмлаш ишлари олиб борилмоқда”.