ҚР Президенти кўчма мажлисгача Парламент Мажлисидаги сиёсий партиялар етакчилари олдида нутқ сўзлаб, ҚР Бош вазири лавозимига Алихан Смайиловнинг номзодини таклиф қилди.
Фракция етакчилари Алихан Смайиловнинг номзодини бир овоздан маъқулладилар.
Сўнг Қ. Тўқаев ҚР Конституцияси 44-моддасига мувофиқ Парламент Мажлиси эътиборига Қозоғистон Республикаси Бош вазири лавозимига Смайилов Алихан Асханулининг номзодини тавсия қилди.
– Қозоғистон Республикаси Бош вазири лавозимига тайинлашга розилик бериш учун Алихан Асханули Смайиловнинг номзодини Парламент Мажлиси эътиборига тавсия қиламан.
У тажрибали мутахассис, меҳнатсевар давлат хизматчиси. Статистика бўйича агентлик раиси, Президент ёрдамчиси, Молия вазири, Бош вазирнинг биринчи ўринбосари лавозимларида фаолият юритди. Қозоғистон иқтисодиёти келажаги ҳақида дунёқараши кучли. Аниқ режаси бор. Алихан Асханули Ҳукумат фаолиятини яхши билади. Ўзига юклатилган вазифаларни обрў билан амалга оширишига ишонаман, – деди Президент.
Сиёсий партиялар фракция раҳбарлари, Парламент Мажлиси депутатлари Алихан Смайиловнинг номзодини қўллаб-қувватлашди.
Таҳлиллардан сўнг овоз берилиб, Мажлис Президентнинг Алихан Смайиловни Ҳукумат раҳбари лавозимига тайинлаш бўйича таклифига розилик берди.
Кўчма мажлисда Қ. Тўқаев Алихан Смайиловни Бош вазир лавозимига тайинлаш ҳақидаги Фармонга имзо чекди.