Вилоятимизда ижтимоий аҳамиятга эга озиқ-овқат маҳсулотлари баҳосини асоссиз оширмаслик бўйича ишлар кундалик назоратда. 2022 йилнинг 19 январидаги ҳолат бўйича, 19та маҳсулот турининг (нон, гуруч, гречка, макарон, мол гўшти, қатиқ, товуқ гўшти, творог, тухум, сариёғ, кунгабоқар ёғи, карам, пиёз, сабзи, картошка, шакар, туз, сут, ун) нархи барқарор. Туман, шаҳарлардаги тезкор гуруҳлар ижтимоий аҳамиятга эга маҳсулотлар бўйича ишларни пухта бажармоқда.
Туркистон вилояти бўйича ижтимоий аҳамиятга эга озиқ-овқат маҳсулотлари баҳосининг кўтарилиши юзасидан хабар бериш учун мурожаатлар қабулланмоқда. Вилоят бўйича нарх-наво оширилган ҳолатда 8 (72533) 5-97-79 ва 8702-465-20-11 телефон рақамларига қўнғироқ қилиш мумкин.
Шаҳар ва туман ҳокимликлари, тегишли бошқарма байрам ва дам олиш кунлари сайёр савдо ўринларини ташкил этади. Шу усулда аҳолига 26,5 миллион тенгелик 57 тонна маҳсулот арзон нархда сотилди.
Давлат раҳбарининг ижтимоий аҳамиятга эга озиқ-овқат маҳсулотлари баҳосини созлаш топшириғига мувофиқ, Туркистон вилояти ҳокимлиги орқали “Айланма схемаси” доирасида маҳсулот етиштирувчиларга жами 640 миллион тенге берилди. Шунга мувофиқ, “Magnum Cash&Carry” ва бошқа бир қанча савдо ўринларида маҳсулотлар бозор нархидан 10-15 фоиз арзон баҳода сотилмоқда. Баҳонинг асоссиз кўтарилишининг олдини олиш мақсадида, йирик савдо ўринлари, дўконлар ва оммабоп бозорлар билан вилоят миқёсида 1098та меморандум имзоланди.
Вилоят ҳокимлиги, Туркистон шаҳри ҳокимлиги, вилоят статистика бошқармаси, вилоят рақобатбардошликни ҳимоя қилиш ва ривожлантириш департаменти ҳамкорликда қабул қилган тегишли чора-тадбирлар натижасида озиқ-овқатларнинг сунъий тақчиллиги сезилмайди.