Сариоғоч туманининг деҳқонлари йилига 1 экин майдонидан 2-3 марта ҳосил олиш лойиҳаси доирасида фаол ишларни бажармоқда. Бугунги кунда деҳқонлар карам кўчатларни  ўтқазиш ишларини бошлаб юбордилар.
Эрта пишар карамни экиш мавсумида ҳозирнинг ўзида бир неча деҳқонлар қатнашиб, қизғин ишлар олиб бормоқда.
Экин-тикин ишларини эрта бошлаганларнинг бири – Жарти тўбе қишлоқ округи. Интимақ аҳоли манзилидаги “Алмас” деҳқон хўжалиги. Бугунги кунда деҳқон хўжаликнинг раиси Алмас Алимқўжаевга қарашли ерга карам экилмоқда. Деҳқонлар январнинг ҳар бир кунидан самарали фойдаланиб, ёғин-сочинга қарамасдан меҳнат қилмоқдалар. Маҳсулот икки ой давомида пишади. Эрта пишар ҳосил турига талаб ўта кўп бўлганликдан деҳқонлар ҳосилдан катта умид кутишмоқда.
2021 йили Сариоғоч туманида 69 700 гектар экин майдони ўзлаштирилди.
Экилган ердан 46 826 тонна ғалла ва дон экинлари, 850 тонна дуккакли дон экинлари, 2020 тонна ёғбоп экинлар, 26 675 тонна полиз маҳсулотлари, 92 000 тонна картошка ва 310 151 сабзавот маҳсулотлари етиштирилиб олинди.