Бизнинг вазифамиз – муаллимлик касбининг нуфузини, устозларимизга бўлган обрўсини ошириш. Nur Otan партиясининг сайловолди дастурига кўра муаллимларнинг маоши 2 ҳисса ошадиган бўлди. 2025 йилга қадар 800та янги таълим бериш иншоотлари барпо этилиши ҳисобидан авария ҳолатидаги ва уч сменали мактаб масаласи ҳал этилади. Шунингдек, кичик шаҳарларда, туман марказлари ва қишлоқларда 5 минг мактаб янгиланади. Барча қишлоқ мактаблари тезлиги юқори Интернет билан таъминлаш кўзламоқда.
Куни кеча Туркистон вилоятининг инсон салоҳиятини ривожлантириш бошқармаси билан ҳамкорликда вилоятдаги авария ҳолатидаги ва уч сменали мактабларда таҳлил ишларини олиб бордик. Муҳокама чоғида Жетисай туман партия филиали раисининг биринчи ўринбосари А. Асауов ва туман инсон салоҳиятини ривожлантириш бўлимининг бошлиғи Т. Мирзалиев шахсан иштирок этди. Ишчи гуруҳ ҳамкасбларим, вилоят маслаҳати депутатлари, фракция аъзолари С. Кўшенов, Т. Қаржауов, Т. Қириқбаев ҳамда Г. Тажибаевалардан ташкил топган.
Муҳокама “Жеңіс” мактабида ўтиб, қўшимча 150 ўринли иморатни барпо этиш масаласи ва Н. Ўндасинов мактабида қўшимча 200 ўринли иморат барпо этиш масалаларини муҳокама қилдик. Хусусан, Жетисай шаҳридаги “Дарын” мактаб-интернати ётоқхонасини қуриш ва Жетисай ёрдамчи мактаб-интернатини катта таъмирдан ўтказиш масалаларини кўриб чиқиб, муассасалар аҳволи билан танишдик. Келгусида Туркистон вилояти бўйича бошқа туман шаҳарлардаги авария ҳолатидаги ва уч сменали ҳамда шу аҳволга яқин мактаблар ўрганилиб, якуни бўйича тегишли бошқармаларга таклиф ва сўровларимизни йўллаймиз.