Вилоят бўйича 140та тез ёрдам бригадалари фаолият кўрсатмоқда. Жами шаҳар ва туманларда 22та станция, 1та тезкор ҳамда 1та тиббий авиация бўлимлари мавжуд. Уларда 36та тиббий ва 104та фельдшерлик бригада хизмат кўрсатади. Бу ҳақда вилоят тез тиббий ёрдам станцияси раҳбарининг ўринбосари Ақайша Аманжўлова ОАВ вакиллари билан ўтган матбуот анжуманида маълум қилди.
Мазкур муассасада 177та санитар автотранспорти хизматга шай. Тез тиббий ёрдамни ўз вақтида кўрсатиш учун улар дефибриллятор, кардиостимулятор, кардиоверсия, кардиомонитор, электрокардиограф, ЎСВ, кислородли ва электрли, механикавий сўрғич воситалари билан жиҳозланган.
Ташкил этилган матбуот сафари доирасида ОАВ вакиллари Туркистон шаҳар марказий касалхонасининг фаолияти билан яқиндан танишдилар. Бош шифокор Жанбўлат Дилдабековнинг айтишича, касалхонада 340та ўрин мавжуд. Муассаса компьютерли томограф, рентген, алоҳида тиббий газ станциясига эга, 2-3 беморга мўлжалланган палаталар эса марказлаштирилган кислород, ичимли сув билан таъминланган. Бу ерда 150 нафар малакали мутахассис хизмат кўрсатмоқда.
Касалхона таркибида 12 клиника, параклиника бўлимлар, шунингдек, клиника, бактериологиявий, сериологиявий лабраториялар, эндоскопия, УТТ, рентген, КТ хоналари, дорихона мавжуд. Қўшимча равишда урология, оториноларинголия, пульмонология, гинекология, жарроҳлик бўлимлари хизмат кўрсатади.