Ҳаяжон ила кутилган  ва  кўп умид ортилган  Мактуб  билан  танишиб  мамнуният ҳосил қилдим. Президентимиз Қ.Тўқаев  аввалги, сентябрь ойидаги  Мактубида  тўртинчи  ўн  йиллик  Қозоғистон  учун  жаҳондаги  барча  давлатлар каби  осон кечмаслигини   олдиндан айтган эди. Январь ойидаги  мудҳиш   воқеалар, уларнинг сабоқлари, келажакдаги  давлатимиз йўналиши ҳақида  тўлиқ  тасаввур   ҳосил қилдик. Мақсад аниқ бўлган жойда  натижа ҳам шунга яраша  бўлиши табиий. Ўтган йили  баъзи  мансабдор  шахслар  айби билан  вилоятимизда  болалар боғчаларини  молиявий  таъминлашдаги  камчиликлар  ҳақида  Туркистон  вилоят  ҳокимлигида  ўтган брифингда  сўзлаган нутқим,  биргаликдаги   ишлар натижасида  йўл қўйилган  камчиликлар  бартараф этилиб,масала ижобий ҳал этилди. Мана шу  хайрли  ва  жамиятимиз учун  муҳим ишга  муносиб ҳиссамни  қўшиб,  чигалликларни  ойдинлаштиришга  эришганимдан  беҳад хурсандман. Давлатимизга,  қонун  устуворлигини  таъминлаган  ҳукуматимизга, шахсан ҚР Президенти Қ.Тўқаевга  миннатдорчилик билдираман. Биз,  қозоғистонликлар Президент Мактубида белгиланган  вазифаларни  амалга оширишга якдиллик билан  ҳисса қўшмоғимиз  ўта муҳим.