Уни Шерим Қарарулининг тадбиркорлик фаолияти билан элга танилган фарзанди, “Атамекен корпорацияси” МЧБ раҳбари, Мурат Тўлтебаев барпо этиб, юрт манфаати учун фойдаланишга топширди. Боғнинг очилиш маросимида Туркистон вилояти Жамоатчилик кенгаши раиси Байдилда Жилқишиев, давлат арбоби Асқар Мирзахметов, вилоят фахрий фуқароси Абилқасим Дўсболов сўзга чиқиб, қишлоқ аҳолисини шодиёна билан қутлашди ва унинг рамзий тасмасини қирқишди.
Тадбир аввалида аждодлар руҳига бағишлаб Қуръон тиловат қилинди.
Боғнинг очилиш маросимида иштирок этган оқсоқоллар Сарқирама қишлоғини ободонлаштиришга улкан ҳисса қўшган Шерим Қарарулининг ҳаёти ва фаолияти ҳақида гапириб, хотираларини ўртоқлашди.
Қозоғистон эстрадаси юлдузлари Нурлан Ўнербаев, Гулнар Сиқимбаева, Алтинай Жўрабаева ҳам қишлоқ аҳлини оромгоҳнинг очилиши муносабати билан қутлаб, концерт дастурида иштирок этишди. Шерим Тўлтебаевнинг ҳаёти ва фаолиятига бағишланган виделавҳа ҳам намойиш этилди.
Смета қиймати 700 миллион тенгега қад ростлаган истироҳат боғининг қурилиши якунланди. Унинг майдони 1,5 гектардан иборат.
Сарқирамаликларнинг севимли ҳордиқ масканига айланадиган боғда хиёбонлар, фавворалар, тунги чироқлар, сарҳовузлар, очиқ тамаддихона ва дам олиш жойлари мавжуд.