“Педагог мақоми тўғрисида”ги Қонунга мувофиқ, энди кимда-ким устозларни ҳақорат қилса, 30 ойлик ҳисоб кўрсаткичи миқдорида жарима тўлайди. Бу ҳолат такрорланса, ундай шахсга 40 ОҲК миқдорида жарима солинади. Бу ҳақда Туркистон вилоят таълим соҳаси сифатини таъминлаш департаменти раҳбарининг ўринбосари Жанар Қасимова брифингда маълум қилди.
Ўтган йили устоз-муаллимлардан ушбу департаментга 21та шикоят тушган, натижада 12 нафар шахс жавобгарликка тортилган.
– Ўқувчи устозини ҳақорат қилса, унинг ота-онаси жарима тўлайди. Қонунда, шунингдек, муаллим одоби бўйича кенгаш хизмати, устоз-муаллимларни тайёрлаш, уларнинг малакасини ошириш масалалари кўзда тутилган. Яна бир масала, карантин вақтида ўқиши тўхтатилган 1-, 8-, 10-синф ўқувчилари учун 26 майдан 17 июнгача ёзги мактаб машғулотлари уюштирилади, – деди Жанар Сатибалдиқизи.
Унинг гапларига қараганда, битирувчиларнинг ижарага олинган автоуловлар билан сайрга чиқишига, байрам дастурхонларини уюштиришга йўл қўймаслик зарур. Жумладан, маблағ сарфини тақозо қилувчи аниматор ва артистларни битирув кечасига таклиф этмаслик, ўқитувчиларга совғалар учун маблағ йиғмаслик тўғрисида мактаб раҳбарларига департамент томонидан тушунтириш хатлари жўнатилган.