Тулкибош туманидаги “Қарлиғаш” болалар боғчасида Болалар йилига бағишланган хайрия тадбирида туман ҳокими Н. Байғут, маслаҳат котиби С. Сейсенбаев, Туркистон вилоят инсон салоҳиятини ривожлантириш бошқармасининг тарбия ва қўшимча таълим бериш бўлими раҳбари М. Маханбетов, туман инсон салоҳиятини ривожлантириш бўлими раҳбари Е. Қадирбек, туман маслаҳати депутатлари ва ота-оналар иштирок этишди.
Даставвал, туман ҳокими Н. Байғут барчани байрам билан қутлаб, жамоага миннатдорчилик билдирди.
Ёш авлод маънавиятини шакллантириш ва уларга ғамхўрлик кўрсатиш мақсадида уюштирилган тадбирга ташриф буюрган меҳмонлар болалар боғчаси жамғармасини турли ўйинчоқлар билан тўлдириб, болаларни хушнуд қилишди. Сўнг меҳмонлар учун махсус концерт дастури тақдим этилди.
Ушбу тадбирни эстафета сифатида давом эттириш таклифи бир овоздан қўллаб-қувватланиб, “Қарлиғаш”да бошланган байрам Керейт қишлоғидаги “Мерей” болалар боғчасида давом эттириладиган бўлди.
Ҳозир туманда 62та мактабгача таълим-тарбия муассасаси мавжуд. Болаларни боғча билан таъминлаш кўрсаткичи 100 фоизни ташкил қилади.