Сайрам туман “AMANAT” фирқаси бўлими ижроия котиби Алмас Абдрахманули ва Туркистон вилоят референдум штаби раиси ўринбосари Жамалбек Шарипбек, таълим соҳаси етакчиси Нишан Байғутов, “Жанубий Қозоғистон” газетаси бош муҳаррири Алишер Сотиволдиев, “Жалын жастары” уюшмаси раиси Қурмет Керимбеков, туман референдум штаби аъзоси, туман маслаҳати депутатлари 5 июнь куни ўтадиган референдум доирасида Конституцияга киритиладиган ўзгаришлар юзасидан тушунтириш ишларини олиб боришди. Улар Оқсувкент қишлоғидаги “К-ПЕБЛ” МЧБ ходимлари билан учрашишди.
Давлат тизимидаги бошқарувни ўзгартирадиган ва мамлакатдаги сиёсий ҳолатга янги руҳ берадиган референдум илк бор миллий миқёсда ўтказилади. Бу “Халқ овозини тингловчи давлат” моҳияти ҳаётга татбиқ этилаётганининг ёрқин кўринишидир.
Референдум Қозоғистонни келажагини белгилаб беради. Бу дабдабали сўз эмас, чунки конституциявий ислоҳот амалга оширилса, сиёсий тизимимизда жиддий ўзгаришлар рўй беради. Улар жамиятда ошкораликни оширишга қаратилган. Шу боис, ҳар бир фуқаро ундан иштирок этиб, овоз бериб, ушбу тарихий ҳужжатнинг  ўзгаришига ҳисса қўшади.
Учрашув иштирокчилари  “Таълим ва тараққиёт комбинати” ДККнинг инсон тараққиёти бўлимининг фаолияти билан ҳам танишишди.