Сайрам туман маслаҳати депутатлари Кўлкент қишлоғи аҳолиси билан учрашишди. Унда туман референдум штаби аъзоси Амангелди Қабилбеков раҳбарлигида туман маслаҳати депутатлари, штаб аъзолари ва “Кўлкент” бошланғич партия раиси Н. Отаниёзов иштирок этишди.
Кўлкентликлар билан учрашувда штаб аъзолари Бош Қомусимизга киритиладиган ўзгартиришлар ва қўшимчалар ҳақида атрофлича ахборот бериб, Президент Мактубида таклиф қилинган ислоҳотларни халқ танлови орқали амалга ошириш референдумнинг бош мақсади эканлиги тушунтирилди. Агар улар амалга ошса, давлатимиз янги сиёсий тараққиёт йўлига ўтиши таъкидланди.
Бу борада халқимиз ушбу тарихий танловнинг масъулиятларини ҳис қилишлари зарур. Референдум – сиёсий тараққиётнинг навбатдаги босқичи бўлиб, Янги Қозоғистонннинг пойдевори қаланади. Бу – давр талаби. Сабаби, мамлакатимиз тақдирини ҳал қилувчи ислоҳотларда нафақат депутатлар, балки халқ иштирок этиши шарт. Учрашувда фуқаролар Президентимиз ташаббусини тўлиқ қўллаб-қувватлаб, сиёсий жараёнда фаол иштирок этишларини маълум қилишди.