Вилоят ҳокими Ў. Шўкеев Тулкибош туманига бориб, аҳолининг мурожаат ва таклифларини тинглади. У дастлаб, “Тулкибош сояси” даволаш-соғломлаштириш мажмуаси фаолияти билан танишди. Давлатдан имтиёзли насия олиб, янги санаторий биносини барпо этган тадбиркорнинг ҳордиқ масканида 50 одам меҳнат қилмоқда. Янги марказда умуртқа поғонаси касалликлари даволанади ва у йилига 1500 беморни қабул қила олади.
Ҳоким қишлоқ хўжалиги маҳсулотлари кўргазмаси билан ҳам танишди. Давлатдан грант олиб, тадбиркорлик фаолиятини бошлаган тулкибошликлар кучларини кўпроқ ҳунармандчилик буюмлари ясаш ҳамда қандолатчилик маҳсулотлари ишлаб чиқаришда синаб кўришмоқда.
Вилоят ҳокими “Жанкент” истироҳат боғида аҳоли билан учрашиб, уларни ташвишга солаётган масалаларни муҳокама қилиб, қизиқтираётган саволларга жавоб берди. Тулкибошликларни кўпроқ уй-жой ва ижтимоий аҳамиятга молик иншоотлар қурилиши қизиқтирмоқда. Жамоат транспортидаги муаммолар юзасидан ҳам фикр юритилди.
Минтақа раҳбари шахсий қабулда бир неча фуқаронинг мурожаатларини тинглади ва улар юзасидан мутасадди шахсларга алоҳида топшириқлар берди.