ҚР Парламент Мажлиси депутати, “AMANAT” партияси қошида ташкил этилган республика штаби аъзоси Сирим Ертаев хизмат сафари билан Қазиғурт туманига борди. Яқинда кучли ёғингарчиликдан зарар кўрган Шанақ ва Қақпақ аҳоли манзилларида қишлоқ аҳолиси билан учрашди. У хизмат сафаридан асосий мақсад – референдумнинг туб моҳиятини тушунтириш эканлигини таъкидлади.
– Аҳоли билан учрашувлар ўтказиб, ўзгариши кутилаётган сиёсий жараёнларни тушунтириб юрибмиз. «Кучли Президент – нуфузли Парламент – ҳисобдор Ҳукумат» тамойилини халқ қўллаб-қувватлаётганига гувоҳ бўлмоқдамиз. Давлат раҳбари референдумни парламент эмас, балки халқ муҳокамасига йўллади. Янги марраларни забт этиш учун аввало Конституциядаги тузатиш ва ўзгартиришларни қўллаб-қувватлашимиз зарур, – деди депутат.
Учрашувларда Туркистон вилоят маслаҳати депутатлари Г. Тажибаева ва Н. Ашировлар ҳам ўз фикрлари билан ўртоқлашишди. Жонли мулоқотларда маҳаллий аҳоли судларнинг иши ва судьяларнинг лавозимига муносиблигини баҳолашни халқнинг ўзига қўйиб беришни сўранишди.
Режадан ташқари Сайрам туманининг Қорабулоқ қишлоғида ҳам учрашув уюштирилиб, халқ ноиби деҳқонлар билан мулоқотда бўлди. Унда гўшт экспорти, ем-хашак масалалари муҳокама қилинди. Суҳбат асносида, С. Ертаев қишлоқ аҳлининг фаровонлигини ошириш, ер масаласи, қишлоқ хўжалигига оид фикрлари билан ўртоқлашди.
Штаб аъзосининг Туркистон вилояти бўйлаб хизмат сафари 3 июнга қадар давом этади.