Референдум орқали Конституцияга киритиладиган ўзгаришлар мамлакатдаги демократик жараёнларни тезлаштиради. Яъни муҳим қарорларни қабул қилишда халқ вакиллари ҳам иштирок этади. Бундай кенг кўламли ислоҳотларни қонунчиликка киритиш учун референдум ўтказиш зарур. Бу фақат Президент ёки Парламент ҳал қиладиган масала эмас, бу бутун халқнинг вазифасидир. “AMANAT” партияси фракцияси аъзоси, Сайрам туман маслаҳати депутати сифатида жойларда тушунтириш ишларини олиб бормоқдаман. Хусусан, Оқсувкент қишлоғи марказидаги “Сайрам” бозори тадбиркорлари билан учрашиб, бўлажак референдум ҳақида маълумот бердик. Шунингдек, Туркистон вилояти маслаҳати депутати, вилоят штаби аъзоси Бадриддин Икромжон ўғли ва камина “NIK” савдо мажмуаси ходимлари билан учрашдик. Тадбир давомида фуқаролар ўзларини қизиқтирган саволларни бериб, аниқ жавоблар олишди. Улар мамлакатимиз келажагини белгилайдиган референдумга боришларини, Президентимиз ташаббусини ҳар томонлама қўллаб-қувватлаши ва ўз келажаги учун овоз беришларини айтишди.