Қозоғистон тараққиётнинг янги босқичига қадам қўйди. Бу ҳақда Қозоғистон Президенти ҳузуридаги Чет эл сармоядорлари кенгашининг 34-пленар мажлисида Қозоғистон Президенти Қасим-Жўмарт Тўқаев маълум қилди.

– Бугунги йиғилиш дунёвий логистика занжирларининг узилиши ва мисли кўрилмаган инфляция босими каби энг мураккаб вазият шароитида ўтмоқда. Буларнинг барчаси бугунги куннинг ҳақиқатидир. Бундай вазиятда давлат ҳам, бизнес ҳам ўйиннинг янги қоидаларига тезда мослашиши керак. Шундагина биз рақобатбардошлигимизни сақлаб қола оламиз. Қозоғистон тараққиётнинг янги босқичига қадам қўйди. Мамлакатимизда мен таклиф этган кенг кўламли демократик ислоҳотлар дастури ҳаётга татбиқ этилмоқда. 5 июнь куни умумхалқ референдуми ўтди, унда фуқаролар Конституцияга ўзгартиришлар киритиш лойиҳасини қўллаб-қувватлади, – деди Қозоғистон Президенти.

 Давлат раҳбари овоз бериш натижасида Конституциянинг учдан бир қисмига ўзгартиришлар киритилганини таъкидлади. Президент ваколатларини қайта кўриб чиқиш, сиёсий партияларни ривожлантириш имкониятларини кенгайтириш, сайлов жараёнини такомиллаштириш, фуқароларнинг ҳуқуқ ва эркинликларини ҳимоя қилиш тизимини мустаҳкамлаш шулар жумласидандир. 

– Бундан ташқари, амалга оширилаётган сиёсий ислоҳотлар кенг қамровли иқтисодий ўзгаришлар билан уйғунлашган бўлиши керак. Бу усул бизга ўрта даромад тузоғидан чиқиб, ривожланишнинг кейинги босқичига ўтиш имконини беради, – деди Қасим-Жўмарт Тўқаев. 

Йиғилишда, шунингдек, Европа тикланиш ва тараққиёт банки президенти Одил Ренауд-Бассо, Бош вазир ўринбосари – Савдо ва интеграция вазири Бахит Султанов, Миллий иқтисодиёт вазири Алибек Қуантиров, Ўзбекистон Республикаси вице-президентлари уюшмаси бошқаруви раиси ва бошқалар иштирок этишди.