Исроил мамлакатининг LR GROUP халқаро компанияси Туркистон минтақасидаги агросаноатни ривожлантиришга улкан жўшқинлик беради.

Вилоят ҳокими девони раҳбарининг ўринбосари Илияс Дўсқўжаев ҳамда вилоят қишлоқ хўжалиги бошқармасининг раҳбарияти Туркистонда Исроилдан ташриф буюрган халқаро компания вакиллари билан учрашиб, томонлар ўзаро манфаатли битимга келишиб олишди. Хорижликларнинг вилоят аграр соҳасини сармоялаш таклифи қўллаб-қувватланди.

QazaqBioProdukt компанияси исроиллик ҳамкорлар билан биргаликда помидор, бодринг, тарвуз, қовун, салат ва яна бошқа кўчатлар етиштирадиган иссиқхона қуриш лойиҳасини амалга ошириш имкониятлари кўриб чиқилмоқда. Учрашувда хорижлик йирик компаниянинг бугунги талабларига мос келадиган янги технологиялари ҳамда уларнинг самарадорлигига алоҳида эътибор қаратилди. Иссиқхонада полиз экинларини етиштиришда Исроил илғор технологияларидан фойдаланилади.

Жорий йилда Туркистон вилоятининг экин майдонлари 851 000 гектарга етди. Қўшимча 26 гектарга иссиқхоналар қурилди, республикадаги улуши 71 фоизни ташкил этиб, майдони 1,5 минг гектарга етказилди. “Бир майдондан йилига 2-3 ҳосил олиш” лойиҳаси  бўйича 8400 гектарда 3000та лойиҳа амалга оширилиб, 145 500 тонна сабзавот етиштирилди. Жами, 3,1 млн. тонна сабзавот, полиз маҳсулотлари ва картошка етиштирилди. 

Туркистон шаҳри ҳудудида озиқ-овқат белбоғини шакллантириш доирасида қиймати 34,3 млрд. тенгелик 5та йирик сармоявий лойиҳа амалга оширилмоқда.

Йил якунлари бўйича, қишлоқ хўжалик маҳсулотлари ҳажми 1 трлн. тенгега етказилади.