Туман ҳокими Уласбек Садибеков Оқсувкент ва Манкент қишлоқларида бўлиб, янги намунадаги учта хусусий мактаб биноси билан танишди. Ташриф доирасида туман ҳокими жорий йилда қурилиши бошланган Оқсувкент-2 қишлоғидаги Динмухаммед Қўнаев ва Юрий Гагарин номли умумий ўрта таълим мактабларида бўлди. Ҳар бир иншоот қурилишига 2 млрд. 200 млн. тенге маблағ ажратилиб, уларнинг қурилиши келаси йил май ойида якунланади. 

Шундан сўнг ҳоким Манкент қишлоғидаги Алишер Навоий номли умумий ўрта таълим мактабида давом этаётган қурилиш ишлари  билан танишди. Мактаб қурилиши 2022 йил январь ойида бошланган. Қурилишга 1 млрд. 500 млн. тенге миқдорида сармоя жалб этилди. Пудратчи ташкилот “Avtoremstroy-LTD” имконияти чекланган биродарлиги. 

Биродарлик раҳбари, хусусий тадбиркор Низомхон Сулаймоновнинг айтишича, жорий йил Билимлар куни арафасида Манкент қишлоғидаги 1200 ўринли 2та умумтаълим мактаби фойдаланишга топширилади. 

Мактабда фан ва спорт тўгаракларини очиш, бошланғич синф ўқувчиларини бепул иссиқ овқат ва мактаб либоси, шунингдек, ўқув қуроллари билан таъминлаш, аълочи ўқувчиларга стипендия тўлаш масалалари муҳокама қилинмоқда. Болаларни мактабга ташиш масаласи ҳам ҳал қилинди.

Туман ҳокими тадбиркорлар фаолиятига муваффақият тилади.