Минтақавий алоқалар хизматида ўтган “Туркистонни кўргим келади” лойиҳаси иштирокчилари учрашувида “Turkistan Media Holding” МЧБ Бош директори Ж. Ағибаев тадбирнинг мақсади ва аҳамиятига тўхталди:

– Лойиҳанинг мақсади – узоқ-яқиндаги хорижликларга, бошқа минтақалардаги қозоғистонликларга қадим ва навқирон Туркистоннинг янги қиёфасини кўрсатиш. Буюк Дашт тарихи билан яқиндан таништириш, – деди Жанахмет Жанибекули.

Лойиҳа иштирокчиси Туркиядан ташриф буюрган Рахимжан Қалдикўз ўз таассуротлари билан ўртоқлашди:

– Лойиҳада иштирок этиб, Туркистонга яна бир бор келиш бахтига мушарраф бўлдим. Янги қиёфа кашф этган гўзал шаҳарни томоша қилиб, ўзгача завқ олдим, у қисқа вақт ичида анча ўзгариб кетибди, – деди туркиялик меҳмон.

Ўзбекистонлик Фурқатжон Бегматов туркистонликларнинг меҳмондўстлигини алоҳида таъкидлаб, лойиҳада иштирок этаётганидан мамнунлигини яширмади.

Нур-Султан шаҳридан келган Алмат Игилик эса лойиҳанинг бардавом бўлишини тилаб, ташкилотчиларга миннатдорчилик билдирди.

Лойиҳанинг асосий босқичига 5 киши ўтди. Улар:

1. Рахимжан Қалдикўз (Туркия, Анқара шаҳри);

2. Фурқатжон Бегматов (Ўзбекистон Республикаси);

3. Алмат Игилик (Нур-Султан шаҳри);

4. Мақжан Бўлатбекули (Байдибек тумани, Шақпақ овули);

5. Гулнар Разуанова (Ақтов шаҳри).