1300 нафардан зиёд болага ўқув қуроллари топширилди

Куни кеча Туркистон шаҳрида 300 ўқувчига ўқув қуроллари берилди. Чунончи, мактаб либоси, спорт ва қишки кийим-кечак, ўқув қуроллари Туркистон вилоят маслаҳати депутати Базарбай Мусабеков ҳомийлигида ҳадя қилинди.

Шу кунгача “Мактабга йўл” тадбири доирасида ҳомийлар ҳисобидан 531 болага 8 миллион тенгелик ўқув қуроллари берилди. Жумладан, шаҳар ҳокимлиги 200 болага, “AMANAT” партияси вилоят филиали томонидан 100 болага мактаб формаси, ўқув қуроллари топширилди.

– Анъанага айланган тадбирга “Харекет” хайрия жамғармаси аъзолари ҳам салмоқли ҳисса қўшиб, 200 нафардан зиёд болага спорт либослари тортиқ қилинди. Келажагимизга эътиборсиз қарамаган, моддий ёрдамини аямаётган юртдошларимизга миннатдорчилик билдираман. Тадбир 30 сентябргача давом этишини инобатга олсак, ҳомийлик ишлари яна давом этиши аниқ, – деди Туркистон шаҳар инсон салоҳиятини ривожлантириш бўлими раҳбари Ўразкул Шайхиқизи.

Шуни таъкидлаш жоизки, собиқ ўқувчилар, давлат идоралари ходимлари ҳам тадбирда фаол иштирок этишмоқда.