Камина “Өрлеу” малака ошириш миллий маркази” ҲЖ “Туркистон вилояти ва Шимкент шаҳри бўйича филиали Касбий ривожланиш институти” ташкиллаштирган “Бошланғич синф муаллимларининг математика, қозоқ тили ҳамда адабий ўқиш фанлари бўйича фан ваколатларини ривожлантириш” мавзуида таҳсил олиб, тажрибамни оширдим.

Курс ташкилотчиларига миннатдорчилик билдираман. Бу ерда биз, бошланғич синф муаллимлари математика, қозоқ тили ва адабий ўқиш фанлари бўйича мураккаб мавзуларни ўқитиш услубларини ўргандик.

Тил ва адабиёт соҳасидаги фанлар бўйича курсларда “Бошланғич синф ўқувчиларига турли матнлар тузишни ўргатиш” мавзуида сабоқ олдик. Замонавий ИТ технологияларни қўллаш бўйича маҳоратимизни ҳам оширдик. Мураббийимиз Ақбўта Минбаева слайд орқали амалий машғулотлар давомида ўз тажрибалари билан ўртоқлашди. Таълимнинг янги  услубларни ўргатди. Ҳамкасбларим эса, амалий машғулотлар давомида ўз тажрибалари билан ўртоқлашишди. Ҳафта сўнггида тингловчилар таълим дастурининг ўзига хос хусусиятлари билан танишишди.