Туркистон вилоятида баҳорги ҳарбий хизматга чақирув топшириғи 103,1 фоизга бажарилди. Чунончи, Ватан олдидаги бурчини ўташга Қуролли кучлар сафига 60 фуқаро, Давлат кузатув хизматига 3 фуқаро, Миллий гвардияга 2 фуқаро жўнатилди. Навбатдаги кузги ҳарбийга чақирув режасига кўра, вилоятдан 2200га яқин фуқаро ҳарбий хизматга жалб этилиши керак. Режани сифатли бажариш учун минтақамиздан 14 мингга яқин киши сараланиши даркор. Бугунги кунда уларнинг 700га яқини танлаб олинди. 

Туркистон вилояти ҳокимининг ўринбосари, вилоят чақирув комиссиясининг раиси Улан Тажибаев, ҚР Қуролли кучлари Бош штаби ташкилий-сафарбарлик ишлари департаменти бошлиғининг ўринбосари, полковник Рустам Акбаров Туркистон вилоятининг маҳаллий ҳарбий бошқарув органларининг раҳбарлари таркиби билан  кузги ҳарбий хизматга чақирув мавсумини ташкиллаштириш ва ўтказиш мавзуида амалий йиғин ўтказди. Муддатли ҳарбий хизматга 18 дан 27 ёшгача бўлган соғлом, судланмаган ва муддатли ҳарбий хизматни ўташни кечиктириш ёки чақирувдан озод бўлиш ҳуқуқига эга бўлмаган фуқаролар киради.