Давлат раҳбари Қасим-Жўмарт Тўқаевнинг халқига Мактуби, Қозоғистон Президентлигига навбатдан ташқари сайловлар тайинланиши, айниқса, муҳим воқеадир. Бу сиёсий ислоҳотлар – янги ўзгаришларга аралашиш, мамлакат тақдирини ўз қўлингиз билан ҳал қилиш масъулиятидир.

Мамлакатимиз аҳолиси муҳим сиёсий жараён арафасида. Президент сайлови халқимизнинг эртанги куни, фаровонлиги, давлатимизнинг равнақи, дунё ҳамжамиятидаги мавқеи мустаҳкамланиши билан боғлиқ долзарб жараёндир. Давлат ҳокимиятини эркин ва ошкора, муқобиллик асосида ўтадиган сайловлар орқали шакллантириш демократиянинг олий кўринишидир. Фуқаролар сайлов орқали давлат бошқарувида ўзининг овози, сиёсий иродаси билан бевосита иштирок этади. 

Бўлажак Президент сайлови партиялараро рақобат, фуқароларнинг сиёсий фаоллиги кучайиб бораётган шароитда ўтаётгани билан аҳамиятлидир. Сайлов нафақат номзодлар, сиёсий партиялар учун, балки сайловчилар, яъни халқимиз учун ҳам катта синов ва имкониятдир.

Ҳозир фуқаролар сайлов тизими ва тартибини, ўзининг сайлаш, сайланиш ҳуқуқини яхши идрок этади. Парламент ва маҳаллий маслаҳатларга ўтказилган сайловлар фуқароларда сиёсий ирода ва талабчанлик ўсганини яққол кўрсатди. Шу нуқтаи назардан жорий йилда ўтадиган Президент сайлови партия фаолларига улкан масъулият юклайди, ҳар бир партия ташкилотидан улкан сафарбарлик ва уюшқоқлик талаб қилади. Чунки унда юқори натижаларга эришиш сайловчиларга боғлиқ.

 Арманистон ва Озарбайжон ўртасида, Қирғизистон ва Тожикистон ўртасида можаро чиқди, кейин эса 1-сентябрдан кейин Россияда ҳарбий сафарбарлик эълон қилинди. Бу воқеалар сайлов жараёнига албатта таъсир қилади. Масалан, ҳозир озиқ-овқат маҳсулотлари бирин-кетин қимматлашмоқда, тарифлар кўтарилмоқда, квартиралар нархи ошмоқда. Буларнинг барчаси сайловчиларнинг кайфиятига таъсир қилмай қолмайди. Лекин бу жараён юрт учун синов, уларнинг барчасининг илдизини англаб етиш зарур. Ҳозирги санкция урушлари, стратегик қўшнимизга Ғарбнинг санкциялари, Россиянинг Европага қарши санкциялари энергия нархининг ошишига олиб келди. Энергия харажатлари ошгани сайин, барча товарларнинг нархи ошиб боради. Мисол учун, Европада нархлар тахминан бир ярим баравар ошди. Аммо бу қийинчиликларни сайловлар жараёнида ўз манфаатлари йўлида, давлат ҳокимиятига қарши ишлатадиган кучлар албатта пайдо бўлади ва бундай халқчил сўзлар кўпчиликнинг қалбидан жой топади. Лекин сайловчилар уларнинг сабабларни ажрата олиши керак.