Туркистон шаҳрида илк бор “GASTRO FEST TURKISTAN – 2022” номли улкан таомлари фестивали ўтади. Тадбирдан кўзланган асосий мақсад – қозоқ халқининг миллий ошхонасини – таомларини тарғибот қилиш, сайёҳлар учун элимизнинг меҳмондўстлигини намоён этиш. 

Тадбир Туркистон шаҳар сайёҳлик бошқармасининг “Open Turkistan” ахборот маркази шафелигида ўтказилмоқда.

Унда шаҳарнинг 25дан зиёд энг яхши ресторан ва тамаддихоналари миллий таомлар ва қандолатчилик маҳсулотларини тайёрлаб, тақдим этади. Ташкилотчиларнинг айтишича, фестиваль доирасида концерт дастурлари, қизиқарли ўйинлар, тез овқатланиш бўйича танловлар, маҳаллий ошпазларнинг маҳорат сабоқлари ва яна бошқа кўнгилочар тадбирлар режалаштирилган.

Шунингдек, фестиваль иштирокчиларига рағбат сифатида – GastroFest гастро-харитаси бепул берилади. Бу харитада шаҳардаги яхши тамаддихоналар ҳақида маълумотлар тўпланган. Улар Туркистондаги энг мазали палов қаердалигидан, қайси ресторанда сара мевалар ва ширинликлар борлиги ва болалар майдончалари қаерда жойлашганидан воқиф бўлишади.

Фестиваль 2022 йил 1 октябрь куни соат 12.00-20.00да Туркистон шаҳридаги Президент истироҳат боғида ўтади. Алоқа рақамлари: 8-775-932-97-56 ва 8-707-933-59-17.