Давлат раҳбари Қасим-Жўмарт Тўқаев Алматига хизмат сафари доирасида Changan, Chery, Haval автомобиллари ишлаб чиқарадиган заводнинг тамал тошини қўйиш  маросимида иштирок этди.

Президентга лойиҳа ҳақида маълумот берилиб, 2024 йилнинг тўртинчи чорагида очилиши режалаштирилган заводнинг  макетини  кўздан кечирди. Корхонанинг ишлаб чиқариш майдони 100 000 квадрат метрдан зиёд. Учта автомобил маркасининг ҳар бири учун алоҳида пайвандлаш ва йиғиш цехи барпо этилади.

Завод ишга туширилгач, унинг ишлаб чиқариш қуввати йилига 90 мингдан ортиқ автомобилга етказилади. Жалб этилган сармояларнинг умумий қиймати 100 миллиард тенгедан зиёд. «Аstana Motors» компаниясида 2200 га яқин иш ўрни мавжуд бўлади.

Қасим-Жўмарт Тўқаев лойиҳа билан танишгач,  завод ишчилари билан суҳбатлашди.

– Бу лойиҳа мамлакатимиз учун жуда муҳим. Янги корхонага  муваффақиятлар тилайман. Бу йил Хитой раиси Си Цзиньпиннинг Қозоғистонга ташрифи чоғида биз музокаралар олиб бордик. Биз ушбу лойиҳани ҳам муҳокама қилдик. Бугун у амалга ошди. Табриклаймиз! – деди Президент.