Вилоятимизда йил бошидан буён амалга оширилаётган тадбирлар натижасида йўл-транспорт ҳодисалари сони 3,5 фоизга, ҳалок бўлганлар сони 7,8 фоизга камайган. Йўл-транспорт ҳодисаларини камайтириш юзасидан бажарилаётган ишлар вилоят раҳбари Дархан Сатибалди раислигида ўтган мажлисда муҳокама қилинди.

Вилоятимизда республикада биринчи бўлиб йўл ҳаракати қоидаларини қасддан бузаётган ҳайдовчиларни масофадан аниқлаш учун учувчисиз «ДРОН» аппарати фойдаланила бошланди. Видеоназорат камералари сони 100тадан 141тага кўпайтирилиб, вилоят аҳамиятига молик йўлларга қўшимча 26та камера ўрнатилди. Улар ёрдамида 255 мингга яқин ҳуқуқбузарлик аниқланган.

Патруль автомобилларига ўрнатилган тезликни автоматик рўйхатга оладиган бешта тезкор “Кибер-Шериф” мажмуаси фойдаланишга топширилди. Улар ёрдамида 300дан зиёд қоидабузарлик аниқланди. Йил бошидан буён полиция департаменти йўлларда 3 мингдан зиёд текширув олиб борди. Натижада йўл ҳаракати хавфсизлигига салбий таъсир кўрсатадиган 11583та нуқсон аниқланди, 3253та тавсиянома бўйича камчиликлар артараф этилди.

Вилоятимизда қиш мавсумида кўчаларнинг музлашининг олдини олишда ишлатиладиган инерт материаллар туман, шаҳарлардаги омборларга етказиб берилди. 100дан зиёд махсус техника ишга шай ҳолатга келтирилди. Автомобиль йўллари ҳолатини муттасил назорат қилиш кучайтирилди. Қиш ойларида йўлларда транспорт воситаларининг хавфсиз ва узлуксиз ҳаракатланишини таъминлаш ва фавқулодда вазиятларнинг олдини олиш борасидаги ишлар вилоят раҳбариятининг қатъий назоратида.