Вилоят минтақавий алоқалар хизматида хавфли эпидемия тарқалишининг олдини олиш чора-тадбирларига бағишланган брифинг ўтди.

Матбуот анжуманида вилоят санитария-эпидемиология назорати департаменти раҳбари Н. Нишанов ушбу юқумли касалликнинг қайта тарқалаётганини маълум қилиб, эҳтиёт чораларини кўришга чақирди. 

– Айни пайтда COVID–19 эпидемияси дунё бўйлаб яна тарқала бошлади. Пандемия хавфи мамлакатимизда ҳам барҳам топгани йўқ. 28 ноябрдан 4 декабрга қадар 20та инфекция ҳолати қайд этилди. Ўтган ҳафта билан таққослаганда икки баравар кўпайган. Ҳозир тумов ва респираторли вирус инфекцияси палласи. Ушбу касалликлар қўшилиб, одамлардаги сурункали хасталикларнинг кучайишига олиб келиши мумкин. Хасталикнинг олдини олиш учун фуқаролар ўзлари рўйхатга олинган шифохоналарда эмланишлари керак, – деди Нурбек Садиқбекули.

Вилоят жамоат соғликни сақлаш бошқармаси раҳбарининг ўринбосари вазифасини бажарувчи Р. Тасирбаевнинг айтишича, йил бошидан буён I Компонент билан 1 295 530, II Компонет билан 1 291 620 одам қамралган. 12 ёшдаги болалар ва ундан юқори ёшдагилар учун вакцинацияланиш ва қайта вакцинацияланиш имконияти яратилган.

Шунингдек, тиббиёт муассасаларида шахсий ҳимоя воситаларининг захираси яратилган.