Таълим соҳасидаги уюшган жиноятчиликни бартараф этишга эътибор кучайтирилади

Инсон салоҳиятини ривожлантириш бошқармаси мурожаатига кўра, ҚР Уюшган жиноятга қарши хатти-ҳаракат агентлигининг Туркистон вилояти бўйича департаменти томонидан бошқарма фаолиятига ташқи таҳлил ўтказилди.

Ундан мақсад – аниқланган уюшган жиноят хатарларини бартараф этишдир. Ўтказилган таҳлил натижасига кўра, уюшган жиноятчилик хатарларини бартараф этиш учун 24та тавсия берилди. Ушбу масала вилоят ҳокими Д. Сатибалди раислигида ўтган вилоят ҳокими қошидаги уюшган жиноятчиликка қарши хатти-ҳаракат масалалари бўйича комиссия ҳамда вилоят ҳокимлиги қошидаги ҳуқуқбузарликлар профилактикаси бўйича идоралараро комиссия йиғилишида муҳокама қилинди.

Уюшган жиноятчиликнинг олдини олиш мақсадида педагоглар“Е-ПОРТФОЛИО” портали орқали атттестациядан ўтади, у ўқитувчиларга малака тоифасини бериш тартибини белгилайди. 

Инсон салоҳиятини ривожлантириш бошқармаси раҳбари Д. Бўлатханули ўз маърузасида ташқи таҳлил натижаларига кўра, давлат муассасалари биринчи раҳбарларининг ўрин алмашишини жадвал асосида якунлаш юзасидан тавсия берилганини маълум қилди. 

Вилоятда 381та мактаб раҳбарининг лавозимида ишлаётганига 7 йилдан ошган. Директорларнинг 156 нафари бир аҳоли манзилида яшайди ва уларнинг ўрнини алмаштириш юзасидан комиссияга тавсия берилади. Яна 225та таълим муассасаси бир аҳоли манзилида бўлмагани учун уларнинг раҳбарлари ўрин алмаштиришмайди.

Минтақада “Е-кутубхона” электрон тизимини жорий этиш орқали барча таълим муассасаларининг кутубхона жамғармасига инвентаризация юритилиб, натижада 2017-2022 йилларда яроқсиз ҳолга келган 3 миллионга яқин дарслик ҳисобдан чиқарилди. Келгусида кутубхоначилар учун машғулотлар ўтказиш режаланган.