Достар, біз басқа посттардың түсініктемелерінде тегін дәрілік көмек, дәрі-дәрмектер, қандай аурулар кезінде және кімге тегін берілетінін түсіндіру қажеттілігі туралы көптеген пікірлер алдық.

БҰЛ ҮШІН НЕ ҚАЖЕТ?

Тегін дәрі-дәрмек алу үшін алғашқы медициналық-санитарлық көмек көрсететін емханаға, фельдшерлік-акушерлік пунктке немесе дәрігерлік амбулаторияға (отбасылық денсаулық орталығына) тіркелу қажет.

Амбулаториялық жағдайда тегін дәрілік препараттарды алу үшін пациент әлеуметтік маңызы бар, созылмалы немесе қоғам үшін қауіпті ауру бойынша диспансерлік есепте тұруы тиіс.

Тегін рецепт алу үшін учаскелік терапевтке хабарласу қажет.

Дәрі-дәрмекті рецепт бойынша медициналық сақтандыру қорымен жұмыс істейтін дәріханадан алуға болады. Дәріханалардың тізімін өз емханаңыздан білуге болады.

Дәрі-дәрмек үшін ақы төлеудің қажеті жоқ, дәрігер берген рецепт пен жеке куәлікті фармацевтке ұсыну жеткілікті.

Науқастарға жедел медициналық жәрдем бригадасы шыққан кезде, стационарды алмастыратын және стационарлық жағдайда тегін дәрі - дәрмектермен қамтамасыз етіледі.

ТЕГІН ДӘРІ-ДӘРМЕКТЕРДІҢ ТІЗІМІ ҚАНДАЙ БҰЙРЫҚТАРМЕН РЕТТЕЛЕДІ?

 "Қазақстан Республикасының белгілі бір аурулары (жай-күйлері) бар азаматтарының жекелеген санаттарын тегін және (немесе) жеңілдікті амбулаториялық қамтамасыз етуге арналған дәрілік заттар мен медициналық бұйымдардың тізбесін бекіту туралы" ҚР ДСМ 2021 жылғы 5 тамыздағы № ҚР ДСМ - 75 бұйрығы