Туркистон шаҳридаги дедробоғ мамлакатимиздаги ўзгача ҳордиқ масканларининг бирига айланади. 28 гектарга яқин майдонни эгаллаган истироҳат боғида сунъий кўл барпо этилмоқда. Унда 0,6 млн. куб метр сув тўплаш имконияти мавжуд бўлади. Бу ерда шаҳар аҳолиси ва саёҳатчилар учун барча шароитлар яратилади. Вилоят ҳокими Дархан Сатибалди дендробоққа бориб, қурилиш ишлари билан яқиндан танишди.

– Яшил майдон – шаҳарнинг “ўпкаси”. Дендробоғда аввало одамлар биринчи навбатда тоза ҳавода сайр қилиш ва дам олиш имкониятига эга бўлиши керак. Ҳар бир иншоотнинг қурилиши қатъий назорат остида бўлади, – деди вилоят ҳокими. 

Сўнг вилоят ҳокими “Туран” уй-жой мажмуасидаги 7 қаватли 32та уйнинг қурилиш ишлари билан танишди. Бу ишларга 13та компания сафарбар этилган. Бугунги кунда уйларнинг деворлари кўтарилган. Пардозлаш ишлари олиб борилмоқда. Қурилиш майдонларида 600 нафарга яқин ишчи меҳнат қилмоқда.

Маъмурий-тадбиркорлик марказидаги автотураргоҳ мавжуд 20 қаватли уй ва маъмурий бинога эга 20 қаватли уйнинг қурилиши юқори суръатларда давом этмоқда. Улардан бирининг қурилиши июль ойида якунланади, иккинчиси эса йил охирида фойдаланишга топширилади. 

Минтақа раҳбари пудратчиларга ишларни талаб даражасида бажаришни топширди.