ҚР Маданият ва спорт вазирлиги жорий йил яна уч ташриф марказини фойдаланишга топширишни режалаштирган. Бу ҳақда вазирликнинг ижтимоий тармоқдаги саҳифасида Тарихий-маданий мерос бошқармаси раҳбари Жанат Сейдалиева маълум қилди.

– 2023 йилда Туркистон вилоятида учта ташриф-марказининг қурилиши якунланади. У “Саврон”, “Гавҳар она” ҳамда “Ўрдабоши” сайёҳлик марказларидир, – деди Жанат Сейдалиева.

“Саврон” шаҳарчаси Туркистон шаҳридан 40 чақиримда жойлашган. Бу ерда сайёҳларга хизмат кўрсатиш учун замонавий инфратузилма барпо этилади. “Гавҳар она” мақбараси – Марказий Осиё ҳудудидаги хотин-қизлар ибодат қилишига мўлжалланган маскан. Ташриф марказида меҳмонларга қулай шароитлар яратилади ва тунашга мўлжалланган ўринлар ҳам кўзда тутилган. “Ўрдабоши” ҳудудида ҳам ташриф маркази қурилиши жадал суръатларда олиб борилмоқда.

– Ташриф марказларидан биринчи навбатда фан, маданият, ахборот мажмуалари сифатида фойдаланилади. Бундан ташқари, маҳаллий ҳудуднинг тарихий-сайёҳлик кластерини ривожлантириш, минтақанинг “тамғаси”га айланган тарихий-маданий ва табиий захиралардан фойдаланиб, харидоргир сайёҳлик буюмларни ясаш учун улкан имконият, – деди тарихий-маданий мерос бошқармаси раҳбари Ж. Сейдалиева.

Бугунги кунда Қозоғистонда уч ташриф-маркази Алмати вилоятидаги “Таңбалы”, Улитау вилоятидаги “Ұлытау” ҳамда Туркистон вилоятидаги  “Отырар” марказлари фаолият юритмоқда.