Туркистон вилояти маслаҳатининг иш режасига мувофиқ, 2024 йилнинг биринчи чорагида “Туркистон вилояти аҳоли манзилларини ичимли сув билан таъминлаш тўғрисида” масаласини муҳокама қилиш режалаштирилган. Шу муносабат билан муваққат депутатлик комиссияси йиғилиш ўтказди.

Тадбирни вилоят маслаҳатининг тадбиркорлик, қурилиш, инфратузилмани ривожлантириш, ер муносабатлари ва табиатдан фойдаланиш масалалари бўйича доимий комиссия раиси С. Кўшенов олиб борди.

Кун тартибидаги масалалар юзасидан вилоят энергетика ва уй-жой коммунал хўжалиги бошқармаси раҳбари Р. Муздибеков, “Нұра топтық су құбыры” РДК “Оңтүстік ауызсу” филиали директори Е. Есиркепов маъруза қилди.

Р. Муздибековнинг маърузасида 2024 йили 47та иншоотнинг қурилиш ишларига бюджетдан 13,3 млрд. тенге ажратилиб, жорий йили 37та иншоотнинг фойдаланишга топширилиши, қолган 10та иншоот 2025 йилда якунланишини маълум қилди. Натижада 14та аҳоли манзили ичимли сув билан таъминланиб, 13та аҳоли манзилнинг эскирган сув қувурлари янгиланади.

Шунингдек, бўлим раҳбарининг айтишича, 8та аҳоли манзилида мажмуавий блок-модулли ускуна ўрнатилади.

2024 йилнинг охирига қадар 832та аҳоли манзилдан 761тасини (91,7 фоиз) ичимли сув билан таъминлаш режаланган.

Йиғилиш сўнггида соҳа истиқболига қаратилган бир қатор таклиф ва тавсиялар берилди.