Туркистон вилоят маслаҳати депутати, Nur Otan партияси фракцияси аъзоси Динара Егамбердиева Қорасув қишлоғида жамоат қабули ўтказди.
Унда Nur Otan партияси Сайрам тумани филиали раисининг биринчи ўринбосари Алмас Абдиқадиров, Қорасув қишлоқ округининг ҳокими Дамир Сидиқов, ҳокимликнинг масъул ходимлари ҳам иштирок этишди.
 Қабулга келган Оқбой ва Қорасув қишлоқларининг турғунлари ахлат йиғадиган ташкилотнинг иши яхши йўлга қўйилмаганидан шикоят қилишди. Бу масала юзасидан ҳоким Д. Сидиқов сўз олиб, янги ташкилот билан шартнома тузилганини маълум қилди.
Оқбой қишлоғининг бийи Мақсад Анорқулов қишлоқ канали таъмирталаб эканини айтди. Маълум бўлишича, 900 метр узунликдаги канални жорий йилда тўлиқ таъмирдан ўтказиш режаланган. Вилоят фавқулодда вазиятлар бошқармаси томонидан акт тузилган бўлса-да, канални таъмирлаш учун зарур маблағ ажратилмаган, оқибатда деҳқонлар ва хусусий хўжаликлар экинзорларига сув етказолмай, азият чекишмоқда. Шунингдек, Қорасув қишлоғида кўп қаватли уйлар қурилиши учун туман бюджетидан маблағ ажратиш масаласи ҳам ечимини топмаган.
Қабулда кўтарилган барча масалалар депутатнинг шахсий назоратига олинди.