Фавқулодда вазиятнинг биринчи куниданоқ минтақада жамоат хавфсизлигини таъминлашга ҳисса қўшаётган Туркистон вилоятининг кўнгиллилари ишга киришди. 700 нафардан зиёд  тинчлик тарафдорлари бўлган йигит-қизлар билан минтақа раҳбари Ўмирзақ Шўкеев учрашиб, уларга миннатдорчилик билдирди.
– Мамлакатда содир бўлаётган тартибсизлик даврида сабрли бўлиб, эл тинчлигини ўйлаган ҳар бир фуқарога миннатдорчилик билдираман. Сизлар каби илк кунларданоқ юрт хавфсизлигини таъминлаш йўлида кечаю кундуз меҳнат қилаётган ички ишлар органларини қўллаб-қувватловчи ёшлар етарли экани қувонарли. Биз доим тинчлик, осойишталик йўлидан боришимиз керак. Вилоятимизда вазият барқарор. Бунинг асосий сабаби – халқимизнинг ватанпарварлик онгининг юксаклиги. Жойлардаги оқсоқолларнинг фаол меҳнати ва ўзингиз каби кўнгиллиларнинг ҳиссаси беқиёс бўлади. Хавф ҳали ҳам мавжуд. Фитначилар бўлиши мумкин. Фақат бирдамлигимиз билан биз бунга қарши тура олишимиз мумкин, – деди Ўмирзақ Шўкеев.
Туркистон ёшлари, жамоат фаоллари, таниқли спортчилар ва спорт мактаблари жамоалари ҳамда бошқа соҳа вакилларидан иборат “Халқ гвардияси” мамлакатимизда олиб борилаётган террорчиликка қарши операцияларни қўллаб-қувватлашини билдирди ва бу масалани хотиржамлик билан ҳал қилиш зарурлигини таъкидлади. Қозоғистонликлар давлатни террорчилардан ҳимоя қилиш учун аҳолини бирдамликка чақирди. Кўнгиллилар гуруҳларга бўлиниб, кун давомида полиция ходимлари билан бирга навбатчилик қила бошлади. Вилоят ички ишлар бошқармаси вакиллари билан яқиндан ҳамкорлик қилиш ниятидаги кўнгиллилар вилоятлар ўртасидаги блок-постлардаги посбонларга иссиқ овқат тарқатмоқда.