Вилоят ҳокими Д. Сатибалди ҳокимлик ҳузуридаги ҳуқуқбузарликларнинг олдини олиш бўйича идоралараро комиссиянинг йиғилишида иштирок этди. Тадбирда ҳуқуқни муҳофаза қилиш, ижтимоий-сиёсий барқарорлик, гиёҳвандликнинг олдини олиш,  хуфёна иқтисодга қарши кураш каби масалалар кўриб чиқилди. Вилоят раҳбари ушбу масалаларни ҳал қилиш учун мажмуавий чора-тадбирлар кўриш зарурлигини таъкидлади.

Йиғилишда ҚР Бош прокуратураси ҳуқуқий статистика ва махсус ҳисобга олиш қўмитасининг вилоят департаменти раҳбари ўринбосари М. Мусировнинг ҳисоботи тингланди. Департамент вакили жиноят статистикаси ва  минтақадаги йўл-транспорт ҳодисалари ҳолатига тўхталди. Сўнгги 6 йил ичида Туркистон вилоятида жиноятчиликнинг барқарор пасайиши кузатилмоқда. 2018 йилда 11 минг жиноят рўйхатга олинган бўлса, бу йил у 4324га камайган. Тадбирда вилоят ижтимоий тараққиёт бошқармаси раҳбари Е. Кузембаев ва вилоят полиция департаменти раҳбарининг биринчи ўринбосари Б. Айтпаев жамиятда ижтимоий кескинликнинг, шунингдек, гиёҳванд моддалар савдосининг олдини олиш борасида бажарилаётган чора-тадбирлар ҳақида маълумот беришди. 

Мутасадди раҳбарларнинг ҳисобот маърузаларидан сўнг таклиф-мулоҳазалар тингланди.