Туркистон вилояти ҳокимининг биринчи ўринбосари Зулпихар Жўлдасов вилоят аҳолисини ўзи етакчилик қилаётган соҳалар – меъморчилик ва қурилиш, йўловчилар транспорти ва автомобиль йўллари, энергетика ва уй-жой-коммунал хўжалиги, сафарбарлик тайёрлиги, минтақавий ва фуқаро мудофааси, назорат бошқармаларига доир масалалар бўйича қабул қилди.

Унга 17 нафар фуқаро келди. Уларнинг аксарияти бошпана олишга ёрдам сўраб келган. Бошпана фақат қонун доирасида навбат билан берилиши тушунтирилди. Бундан ташқари, давлат томонидан муҳтож оилаларга бошпанани ижарага олиш ҳақининг 50 фоизини тўлаб бериш учун, “Отбасы банк”ка ариза йўллаш имкониятлари мавжудлиги айтилди. Туркистонлик фуқаро шаҳарнинг 2-кичик туманидаги уйлар олдига барпо этилган қўшимча иншоотларни олиб ташлашни сўради. Бу масала бўйича вилоят назорати бошқармаси томонидан ўрганилиб, ноқонуний иншоотларни бузиш бўйича тегишли ишлар юритилиши айтилди. Вакилларнинг шикоятларини тинглаган Зулпихар Жўлдасов масъул соҳа раҳбарларига кўтарилган масалалар билан танишиб, қонун доирасида ижобий ҳал этишни топширди.