Хушовоз хонанда Димаш Қудайберген Туркистон шаҳрига ташриф буюрди. Вилоят ҳокими Дархан Сатибалди санъаткорга эҳтиром кўрсатиб, қарши олди.

– Мамлакатимиз шуҳратини жаҳонга намоён этаётган сиз каби санъаткорни муқаддас заминда кўриб турганимиздан мамнунмиз. Ташрифингиз – вилоят маънавият соҳаси, минтақа сайёҳлигини ривожлантиришга улкан суръат бағишлайди, деб ўйлайман. Бугунги кунда, минтақанинг маънавият соҳасида қатор ташаббуслар амалга оширилмоқда. Республика, халқаро миқёсдаги тадбирлар оқимининг кенгайишига хизмат қилмоқда. Шулардан бири – “Voice of Turan” халқаро қозоқ қўшиқлари танлови. Ушбу танловда турли мамлакат ижрочиларининг қўшиқларингизга қизиқиши кучлилиги сезилади. Биз бундан жуда мамнунмиз, – дея, вилоят ҳокими хонандани ушбу танловнинг фахрли меҳмони бўлишга таклиф қилди.

Меҳмон ўз навбатида Туркистон шаҳри маънавий пойтахт сифатида гуллаб-яшнаётганига илк бор гувоҳ бўлаётганини айтиб, минтақа раҳбарига миннатдорчилик билдирди.

– Шаҳарнинг янги қиёфаси, улкан ўзгаришлар мени лол қолдирди. Эсимни таниганимдан буён илк бор келишим, ўзгача таассурот олдим. Туркистон туркий оламнинг сайёҳлик пойтахтига айланиб, бутун дунёга танилмоқда. Энг муҳими, элимиз тинч бўлсин. Шаҳарларимиз жаҳонга танилиб, халқимизнинг маънавияти, қадрияти юксалаверсин! – деди Димаш Қудайберген.