Туркистон вилоят маслаҳатининг раиси Н. Абишов раҳбарлигидаги халқ ноиблари А. Салимов, М. Турисбеков, И. Намазбаева, Ж. Сулейменов, Ж. Абдибаев, Н. Жамалбеков, С. Аристанов вилоят тез ёрдам хизмати фаолияти билан танишиб, хизмат кўрсатиш даражасига гувоҳ бўлишди.

Муассаса фаолияти билан танишиш давомида вилоят маслаҳати депутати М. Турисбеков вилоят “Тез ёрдам” хизматига ўпкани сунъий шамоллатиш ускунасининг 5 донасини ҳадя қилди. Японияда ишлаб чиқарилган ушбу ускуна махсус тез ёрдам машинасига ўрнатилади. У – одамларнинг нафас олиши оғирлашган пайтда ишлатилади. 

– ЎСШ ускунаси пандемия даврида Япониядан келтирилган. Биттасининг баҳоси – 11 млн. тенге. Бугунги кунда кутилмаган хавф-хатар туфайли жароҳат турлари, хасталиклар сони ортиб бормоқда. Транспорт ҳодисаси, кундалик турмушда, қурилиш, ишлаб чиқаришларда турли даражада жароҳат олиб, “Тез ёрдам”га мурожаат қилинади. Шу боис умумий қиймати 55 млн. тенгелик ускунадан минтақанинг тиббиёт соҳаси фаолиятида аҳолига хизмат кўрсатиш сифатини ошириш учун фойдаланилгани маъқул, – деди М. Сексенбайули.

Мазкур муассаса жорий йил янги замонавий бинода ўз фаолиятини бошлади.